Anjeun dina Panineungan
DHIPA GALUH PURBA
Ngemploh héjo Banjarwaru
Tinggarupay di basisir
Amparan samak di Simpar
Mapag léngkah nu kasilih
Carita embung lekasan
Ngagurat jangji pasini
Cambéwék ibun Panjalu
Mawa nyawang hiji asih
Nusa lir medar carita
Langit ngajerit ka bumi
Jagat ngocéak ka apah
Basa éling anjeun leungit
Ranggon Panyileukan, 1424 H
 |
| Fotografer: Turi Syahdarina |
Komentar