Panineungan Elin Karlina - Penyanyi Pop Sunda ti Panumbangan

Elin Karlina (Foto Istimewa)

   
Elin Karlina  teh artis Pop Sunda anu padumukanna di Panumbangan (Teu pati jauh ti puseur dayeuh Panjalu). Kungsi ngaluarkeun sababaraha judul lagu pop Sunda.

Basa taun 2001 Elin kungsi nataharkeun albeum pop Indonesia anyar anu judulna 'Cinta Remaja'. Tapi beuki dieu, Elin kalah beuki riweuh. Sajabana ti ngurus rumah tangga, Elin oge sok ngabantuan carogena ngurus pausahaan Agung Jaya di Panumbangan.
Komo deui saprak Elin dipaparin titipan 'turunan geulis', Elin leuwih betah cicing di imahna. Ceuk Elin, sanaos abdi teu junun oge, keun mamanawian tiasa diteraskeun ku putra abdi."

Elin boga harepan sangkan budakna, Febyliya Salsadian, isuk jaganing geto baris jadi re-generasina.

Memang Febby kaasup budak anu calakan. Getih seni Elin Karlina bener-bener nurun ka Feby, atawa Febyliya Salsadian. Sanajan Feby umurna kakara tilu taun, tapi pangabisana kana nyanyi geus katara. Komo deui dirojong ku Elin, anu geus mimiti ngarahkeun Feby kana nyanyi anu bener.

Keur mah Feby-na sorangan, boga pangaresep kana nyanyi, atuh kana tangtu bakal rada nyambung. Teu aneh, upama kabeneran aya panggung hiburan di Panumbangan, Feby mindeng 'kaul' babarengan jeung Elin Karlina.***

Catetan Dhipa Galuh Purba

Elin Karlina (Foto Istimewa)